LUCIANO SOMMA E LE SUE POESIE

28/11/2006

E' NATALE

'O palpito 'e mille campane
che sonano p''a mezanotte
'a gioia che da' st'ammuina
anticipa nu quarantotto.

Aunite,c''o sciato 'e ll'affetto,
ce sta' tutta quanta 'a famiglia
e' doce a campa' stu mumento
ch'astregna sti core,atturciglia.

Miraculo 'e n'attimo 'e pace
na sosta pe' l'anzia 'e l'affanno
pe' nuje,ca pasture 'e presebbio,
avimmo campato nat'anno.

Vurria ca stu tiempo nemico
putesse ferma' sti minute,
sti ffacce,sti vvocche,sti mmane.
Na voce ch'allucca:Salute!

Chist'uocchie che guardano 'a cimma
'e n'albero addo' l'abbundanza
sta dint''e ggranate d''e lluce
ch'appicciano 'o ffuoco 'e st'ausanza.

Chist'uocchie ca cercano 'o bbene
tra mille culure 'e biancale
stunate e 'mbriacate p''o vino
mo so' lampe 'e vita,e' Natale!

Luciano SOMMA

17/10/2006

I COLORI DELL'AUTUNNO

L'ultimo palpitare
delle foglie
che qui in montagna
assumono colori
dai toni accesi
vivi come lampe
portano l'eco assurda
della tua voce padre
duro come una roccia
muscoloso
tu da generazioni taglialegne
sembravi senza tempo.
Ero legato a te
come un ramo alla quercia
ed ora sono solo
nella foresta
del tuoi ieri vissuto
in questo immenso.
Ma parleremo ancora
ti sentirò
nell'aria immacolata
presente
tra i colori dell'autunno
nel nostro paradiso
di silenzio.
LUCIANO SOMMA
da L'ALBA DI DOMANI
NOIALTRI EDIZIONI- Pellegrino(Messina)
Febbraio 2005

04/10/2006

L'APPUNTAMENTO

Me sento ricco e nun tenco na lira

Me sento Re senza tenè na corte

Ma ‘o patremmonio e ‘o regno è chesta Napule

Che ‘a vonno fa murì ma nun è morta !

Napule è sempe chella , tale e quale ,

c''o mare generoso , chieno ‘e core ,

ch'è tutta ‘a vita pe' nu piscatore

ch'è tutto ‘o munno pe' nu puveriello .

E vaco a margellina tutt''e ssere ,

‘ncopp''a scogliera ‘o posto è prenotato ,

pe' vedè ‘o spettacolo ‘e sti lluce

e quanti ccose ca stu core sente .

Nu poco ‘e chesta musica ca ‘o mare

Me porta tutt''e ssere puntualmente

Sona pe' mme , o almeno accussì pare ,

quanta felicità st'appuntamento !

LUCIANO SOMMA